esewanews.com esewa news
Related Articles
नेपालीहरूको महान् चाड बडा दसैं नजिकिँदैछ । बडादसैंको अवसर पारेर विभिन्न कार्यक्रमहरू आयोजित हुँदैछन् । भोलि शनिबार ग्ल्यामोरोसिकन नेपालको आयोजनामा पुल पार्टी तथा फेसन शो हुँदैछ । युवा पुस्ताका चर्चित गायक स्वप्न सुमनले यो मेलामा सांगीतिक प्रस्तुति दिनेछन् भने द आर्बिटरी ग्रुपका अन्य कलाकारहरू पनि कार्यक्रमको आकर्षण रहनेछन् । उक्त अवसरमा शनिस शाक्यको कोरियाग्राफीमा फेसन शो समेत हुँदैछ । त्यस्तै डिजे निरज, एजेन, किस्मत, विशाल, प्रेम तथा मर्लेले सहभागीहरूलाई विशेष मनोरन्जन प्रदान गर्ने जिम्मा लिएका छन् ।
समय : दिउँसो १२ बजे
स्थान : इन्टरनेसनल क्लब, सानेपा
प्रवेश शुल्क : २ सय रुपैयाँ
आयोजक : ग्ल्यामोरोसिकन
रक एन्ड रोल
भोलि शनिबार रक एण्ड रोल इभेन्ट्सको आयोजनामा ठमेलस्थित रेड लायनमा दसैं महोत्सव सञ्चालन गरिने भएको छ । जात्रा ब्यान्डले सांगीतिक प्रस्तुति दिने उक्त कार्यक्रममा डिजे अर्जुन, डिजे अर्बिन तथा डिजे सबिन पनि सहभागी हुनेछन् । यो कार्यक्रममा सबैभन्दा पहिले प्रवेश गर्ने २० जना युवतीलाई नि:शुल्क ड्रिंक्सको व्यवस्था गरिएको छ ।
समय : साँझ ६ बजे
दसैंको उमंग
नेसनल कलेज तथा ज्वाइनिङ ह्यान्ड्स फर युथको संयुक्त आयोजनामा आज दसैंको उमंग कार्यक्रम प्रस्तुत हँुदैछ जहाँ छक्कापञ्जा–३ का कलाकारलगायत राष्ट्रिय स्तरका अन्य कलाकारहरूले सांगीतिक प्रस्तुति दिँदैछन् भने सरोज भण्डारी तथा डोरेश खतिवडाले स्ट्याण्डअप कमेडी प्रस्तुत गर्नेछन् । आयोजकहरूका अनुसार यो कार्यक्रम ५ घण्टा लामो हुनेछ ।
स्थान : नेसनल कलेज, धुम्बाराही समय : दिउँसो २ बजे
